अगगगग SSSSS
काय झालं ग ?
विंचू चावला...
काय मी करु ? विंचू चावला
कुणाला सांगू ? विंचू चावला
विंचू चावला रे, विंचू चावला रे, विंचू चावला..हो !
निरक्षरतेचा विंचू चावला
सर्वनाशाचा घाम अंगाशी आला
त्याने माझा प्राण चालिला....अगगगग SSSSS विंचू चावला...!!
अज्ञान इंगळी अति दारुण
मज नांगी मारली तिनं
सर्वांगी वेदना जाण.... संकटाची
संकट कसलं संकट ?
हां हां म्हजी ते संकष्टी चतुर्थी का काय म्हणतात ते संकट
नव्ह नव्ह , ते संकट नव्ह !
मगं कसलं संकट?
शाहीर ... उदंड लेकुरे घरात झाली, रोगराई इथे पसरली,
शेते जमीन धुपून गेली, कर्जात सारी हयात सरली.
अगगगग SSSSS विंचू चावला...अज्ञानाचा विंचू चावला !!१!!
साथी: - या विंचवाला उतारा ?
शाहीर...... निरक्षरता दूर करा, शिक्षणाची कास धरा,
विंचू इंगळी उतरे झराझरा.
साथी:- विंचू इंगळी उतरेल म्हणजे काय होईल ?
शाहीरः ... अरे, सर्वनाशाच वीष उतरुन जाईल
घर नि परिसर स्वच्छ होईल, रोगराई पळून जाईल.
वाचायला येईल, लिहायला येईल, लिहायला येईल हो SSS
सावकाराला मग फसवता येणार नाही,
वेठबिगारीला लावता येणार नाही,
कर्जाचा डोंगर उरणार नाही.
मुलं नि बाळं सुखात राहतील,
घराचा गावाचा विकास होईल,
राष्ट्राची मग प्रगती होईल
बरं...बरं.....बरं
अज्ञानाचा विंचू उतरला,
निरक्षरतेचा विंचू उतरला,
सर्वनाशाचा विंचू उतरला ,
विंचू उतरला , विंचू उतरला , विंचू उतरला हो !!!
Post a Comment