बागुलबुवा म्हणे आला
घाबरतो कोण त्याला?
आला तर आला
घेऊन जाईल आईला.
बागुलबुवा येऊन जा
आमच्या आईला घेऊन जा.
मग येईल मज्जाच मज्जा
धुणी भांडी मीच करेन
पाण्यामध्ये खेळत बसेन
भाजी चिरीन, कुकर लावीन
पोळ्या करुन जेवायला वाढीन.
नक्को नक्को दूधभात , पोळी नि तूप
गारेगार आईस्क्रिम खाईन मी खूप
घाबरतो कोण त्याला?
आला तर आला
घेऊन जाईल आईला.
बागुलबुवा येऊन जा
आमच्या आईला घेऊन जा.
मग येईल मज्जाच मज्जा
धुणी भांडी मीच करेन
पाण्यामध्ये खेळत बसेन
भाजी चिरीन, कुकर लावीन
पोळ्या करुन जेवायला वाढीन.
नक्को नक्को दूधभात , पोळी नि तूप
गारेगार आईस्क्रिम खाईन मी खूप
बागेतली फुलं परडीत गोळा करीन
दगड -मातीचे घर मी बांधीन.
दादाचे पुस्तक वाचायला घेईन
ताईच्या वहीवर चित्रे मी काढीन.
काचेच्या कपाटातली छानदार बाहुली
बघायची नुसती म्हणतात सगळी.
तिला काढीन, दूधभात भरवीन
न्हाऊ घालीन, थोपटूण निजवीन.
संध्याकाळी मी दमून गेल्यावर
कोण घेईल मला मांडीवर?
थोपटेल कोण म्हणून गाणी?
म्हणेल कोण ' नीज ग राणी !'
बागुलबुवा तू येऊ नको
आईला घेऊन जाऊ नको.
आलास जर इथे, मी खोटेच घाबरेन
आईच्या कुशीत शिरेन , लपून बसेन.
दगड -मातीचे घर मी बांधीन.
दादाचे पुस्तक वाचायला घेईन
ताईच्या वहीवर चित्रे मी काढीन.
काचेच्या कपाटातली छानदार बाहुली
बघायची नुसती म्हणतात सगळी.
तिला काढीन, दूधभात भरवीन
न्हाऊ घालीन, थोपटूण निजवीन.
संध्याकाळी मी दमून गेल्यावर
कोण घेईल मला मांडीवर?
थोपटेल कोण म्हणून गाणी?
म्हणेल कोण ' नीज ग राणी !'
बागुलबुवा तू येऊ नको
आईला घेऊन जाऊ नको.
आलास जर इथे, मी खोटेच घाबरेन
आईच्या कुशीत शिरेन , लपून बसेन.
Post a Comment